Jóla pavlova

Aðferð

Pavlova

1. Hitið ofninn í 120 gráðu hita með blæstri og setjið smjörpappír á bökunarplötu.
2. Hrærið eggjahvítur þar til þær eru orðnar að froðu, bætið þá sykri varlega saman við, smátt og s mátt í einu og hrærið þar til blandan er orðin stíf og stendur.
3. Bætið maísenamjöli saman við ásamt hvítvínsediki og hrærið þar til allt hefur blandast vel saman og blandan er orðin stíf og glansandi.
4. Myndið hring á smjörpappírinn, gott er að teikna hann á eins og þið viljið hafa hann og mótið pavlovuna eftir því. Myndið holu/skurð ofan á hringinn með skeið en þar ofaní fer rjóminn.
5. Bakið í klukkustund, slökkvið á ofninum og látið pavolvuna kólna með ofninum ca. 3 klst. Gott er að gera pavolvuna daginn áður og láta hana standa inni í ofni yfir nótt.
6. Þegar kakan hefur kólnað alveg, byrjið þá á rauðvínskirsuberjasírópinu.

Rauðvínskirsuberjasíróp

1. Setjið rauðvín í pott yfir meðal háan hita og látið sjóða þar til um helmingurinn af víninu hefur gufað upp.
2. Skerið kirsuberin í tvennt, takið steininn úr og setjið saman við rauðvínið ásamt sykri og vatni. Látið sjóða þar til sírópið er farið að þykkna, tekur ca. 15-20 mínútur.
3. Þegar sírópið er orðið þykkt og fallega rautt, setjið þá vanilludropa og sítrónusafa saman við. Hrærið þar til allt hefur blandast saman.
4. Látið sírópið kólna þar til það hefur náð stofuhita áður en þið setjið á kökuna.
5. Þeytið rjóma og setjið ofan á kökuna ásamt sírópinu, súkkulaðispónum og síðan sírópið.