kaffibollur með súkkulaði

by thelma

Skotheld uppskrift af vatnsdeigsbollum, það þarf eiginlega að hafa fyrir því að klúðra þeim! En þó er mikilvægt að fylgja hverju skrefi fyrir sig alveg eins og stendur í uppskriftinni. Þá skiptir miklu máli að opna ofninn alls ekki á meðan á bakstri stendur.

Létt og fersk rjómafylling með kaffi skyri frá KEA sem gerir bolluna örðuvísi en þessa hefðbundnu en samt svo einfalda og góða. Njótið.

kaffibollur með súkkulaði

Skotheld uppskrift af vatnsdeigsbollum, það þarf eiginlega að hafa fyrir því að klúðra þeim! En þó er mikilvægt að fylgja hverju skrefi… Allar uppskriftir vatnsdeigsbollur, kaffi, rjómi, skyr, bollur, glassúr European Prenta
fyrir: 15-20 stk undirbúningstími: eldunartími:
Nutrition facts: 200 calories 20 grams fat
Rating: 5.0/5
( 1 voted )

Innihald

Bollur

240 ml vatn
115 g smjör
1 msk sykur
½ tsk salt
120 g hveiti

Fylling

500 ml rjómi
350 g KEA skyr með kaffi og vanilla
2 msk flórsyksur
1 msk instant kaffi, malað

Súkkulaðiglassúr
500 g flórsykur
3 msk dökkt kakó
3 tsk sterkt kaffi
50 g smjör, bráðið
Heitt vatn

Aðferð

Bollur

  1. Setjið vatn í potty fir meðal háum hita og látið suðu koma upp.
  2. Setjið smjör, sykur og salt saman við og hrærið þar til smjörið hefur náð að bráðna saman við vatnið.
  3. Setjið hveitið saman við og hrærið stanslaust þar til deigið er orðið þykkt og sleppir hliðum pottsins.
  4. Slökkvið undir pottinum, bætið einu eggi saman við í einu og hrærið vel á milli.
  5. Setjið deigið í sprautupoka með þeim stút sem þið viljið. T.d. 1M, rósastút eða klippið 1 cm gat fremst á pokann.
  6. Setjið smjörpappír á bökunarplötu og sprautið deiginu jafnt á plötuna. Hver bolla þarf ekki mikið deig þar sem þær lyfta sér vel í ofninum. Ýtið lauslega með með skeið ofan á hverja bollu fyrir sig svo það sé ekki toppur af deigi sem standi upp, þannig verða bollurnar fallegri í laginu.
  7. Bakið bollurnar við 200 gráðu hita í 10 mínútur, lækkið þá ofninn niður í 170 gráður og bakið í 15 mínútur.
  8. Látið bollurnar kólna áður en þið skerið þær í sundur og setjið á þær.

Fylling

  1.  Þeytið rjómann þar til hann stendur, passið ykkur þó að þeyta hann ekki of mikið.
  2. Blandið skyrinu saman við ásamt kaffi og flórsykri og hrærið þar til allt hefur blandast vel saman.
  3. Setjið rjómablönduna í sprautupoka og sprautið fallega á hverja bollu fyrir sig, eða setjið 2 msk á hverja bollu.

Glassúr

  1. Setjið flórsykur í skál ásamt kakóki og hrærið vel saman.
  2. Bræðið smjör og hellið saman við ásamt kaffi og hrærið vel saman.
  3. Bætið heitu vatni saman við þar til þið hafið náð þeirri þykkt á glassúrnum sem við viljið, því meira vatn sem þið setjið því þynnra verður glassúrinn.
  4. Gyemið bollurnar í kæli þar til þær eru bornar fram.

Skildu eftir athugasemnd

Þér gæti einnig líkað