Biscotti eru frægar í Ítalíu, stökkar og góðar sem gott er að dýfa ofan í heitt kaffið til að mýkja þær upp. Snilldin ein að eiga þessar upp í skáp þegar góðir gestir koma í heimsókn.
130 g smjör við stofuhita 120 g sykur 100 púðursykur 1 msk skyndikaffiduft 2 egg 300 g hveiti 1 ½ tsk lyftiduft ½ tsk sjávarsalt 2 tsk kanill 100 g möndlur 200 g konsum súkkulaði Hitið ofninn í 170 gráður og setjið bökunarpappír á bökunarplötu. Hrærið smjör, sykur, púðursykur og kaffi saman þar til blandan verður ljós og létt. Bætið eggjum saman við, einu í senn og hrærið vel. Blandið hveiti, lyftidufti, salti og kanil saman í skál og blandið saman við deigið og hrærið varlega. Grófsaxið möndlur og súkkulaði og setjið saman við deigið og hrærið varlega þar til allt hefur náð að blandast vel saman. Setjið hveiti á eldhúsbekkinn eða bretti og hnoðið deigið léttilega svo það festist saman. Skiptið deiginu í 3 bita og formið sívala hleifa úr því um 10 cm á breidd og setjið á bökunarplötuna. Bakið í 25 mínútur. Takið hleifana út úr ofninum og látið þá standa í 10 mínútur. Skerið hleifana í um 2 cm þykkar sneiðar og leggið á plötuna með sárið upp. Bakið í 10 mínútur. Snúið kökunum við á hina hliðina og bakið í aðrar 10 mínútur. Kælið kökurnar. Kökurnar eiga að vera krispí og góðar.
Innihald
Aðferð
