Kjúklingur í grænu pestó með ostakubb og ólífum

Aðferð

1. Setjið smjör og olíu á pönnu og hitið, Kryddið kjúklingalærin með ítalskri hvítlauksblöndu, salti og pipar og steikið á pönnunni í 4 mínútur. Gott er að steikja kjúklinginn við háan hita, ca. 2 mínútur á hvorri hlið fyrir sig, eða þar til hann hefur brúnast örlítið.
2. Setjið pestó, rjóma og hvítlauk saman í skál og blandið vel saman. Setjið salt og pipar saman við og hrærið.
3. Setjið kjúklinginn í eldfast mót, hellið restinni af smjörinu og olíunni yfir kjúklinginn. Skerið niður fetakubb í ca 1 cm bita og setjið yfir kjúklinginn ásamt ólífum. Hellið rjómalöguðu pestóblöndunni yfir kjúklinginn og eldið inn í ofn við 180 gráðu hita í 25 mínútur, eða þar til kjúklingurinn er fulleldaður.
4. Saxið niður ferska basilíku og setjið yfir kjúklinginn. Berið fram með fersku salati, pasta, sætum kartöflum eða því sem hugurinn girnist.