Ég var fyrir norðan um daginn og smakkaði svo hrikalega gott Shawarma á veitingastað þar sem mig minnir að heiti Kurdo, en ég er búin að vera með löngun í það síðan ég kom heim úr fríinu. Ég gerði því tilraun hérna heima að mínu eigin Shawarma og ég verð að segja að það tókst ótrúlega vel og þetta verður klárlega reglulega í matinn hjá okkur fjölskyldunni. Ég sauð einnig krydduð hrísgrjón með og gerði ferska jógúrtsósu sem er algjörlega nauðsynleg á móti kryddaða kjúklingnum.
Það tekur ekki langan tíma að skella í þetta og því hvet ég ykkur til að prófa.
Kjúklingur 4 stórar tortillavefjur 1 bakki kjúklingalundir Krydduð hrísgrjón 1 bolli hrísgrjón Jógúrtsósa 300 g grísk jógúrt Grænmeti gúrkatómatur Kjúklingur Setjið olíu í skál ásamt öllu kryddi og sítrónusafa. Hellið blöndunni yfir kjúklinginn og blandið öllu saman. Skerið laukinn niður og setjið ofan á kjúklinginn. Látið kjúklinginn liggja í kryddinu í rúmlega 30 mínútur. Á meðan að kjúklingurinn liggur í kryddleginu er gott að sjóða hrísgrjónin. Steikjið síðan kjúklinginn þar til hann er fulleldaður. Hrísgrjón Setjið hrísgrjónin í pott ásamt vatni og kryddi. Látið suðu koma upp, hrærið þá aðeins í eitt skipti í hrísgrjónunum og látið sjóða þar til helmingurinn af vatninu er eftir. Slökkvið þá undir pottinum og setjið lokið á, þannig klárast hrísgrjónin að eldast í gufunni og verða einstaklega góð. Jógúrtsósa Blandið öllum hráefnum saman og hrærið vel. Tortillur Setjið olíu á pönnu og steikjið hverja tortillu fyrir sig á báðum hliðum. Setjið því næst ca 2-3 msk af hrísgrjónum, 3-4 lundir af kjúklingi, skerið það grænmeti sem þið viljið hafa smátt niður og setjið saman við ásamt 2-3 msk af jógúrtsósu. Lokið vefjunni og njótið. 
Innihald
100 ml olía
safi úr 1/2 sítrónu
1 hvítlauksgeiri
2 tsk paprika
2 tsk salt
2 tsk Cumin
1 tsk svartur pipar
1/2 tsk turmerik
1/4 tsk kanill
1/4 tsk rauðar piparflögur
1 laukur
2 bollar vatn
1 tsk paprika
1 tsk kúmen
1/2 grænmetisteningur
1/2 tsk sjávarsalt
2 msk kúfaðar af majonesi
safi úr 1/2 sítrónu
2 hvítlauksrif
salt og pipar
rauðlaukur
rauð paprika
klettasalatAðferð
2 comments
Vá hvað þetta var gott. Fjölskyldan borðaði upp til agna og spurt hvenær þetta yrði aftur í matinn! Takk fyrir okkur 🙂
En gaman að heyra, þetta er uppáhaldið hjá syni mínum!